કીજીએ ધ્યાન શ્રી ધર્મના કુંવરનું, સર્વ પહેલાં ઊઠી પ્રાતઃકાળે (૮) ?
રાગ - કેદારો
પદ-૧
કીજીએ ધ્યાન શ્રી ધર્મના કુંવરનું,
સર્વ પહેલાં ઊઠી પ્રાતઃકાળે, કીજી. ટેક૦
નીરખીએ રૂપ નખશિખ મહારાજનું, વાસના અશુભ તત્કાળ ટાળે.... કીજી૦ ૧
સંત હરિભક્ત સૌ ઉંઘ આળસ તજી, ચિંતવીએ ચરણ અતિ પ્રીત આણી,
નીરખીએ નખ મણિ સીમા શોભા તણી, દુર્લભ દેવને એમ જાણી.... કીજી૦ ૨
જમણા તે ચરણના અંગુઠા ઊપરે, નખમાંહી ચિહ્ન તે જોઈ રે’વું,
ચિહ્ન પર રક્ત રેખા અતિ શોભતી, મન તેમાં લઈ પ્રોઈ દેવું.... કીજી૦ ૩