Gujrat ગુજરાત

Gujrat ગુજરાત

અમદાવાદ, જેતલપુર,વડતાલ, ધોળકા,ટોરડા, ડભાણ, ઇડર, સિધ્ધપુર, ડાકોર,ઉમરેઠ


નકશામાં કોઠ ગાંગડ જોવા માટે અહીં ક્લીક કરો


ઉત્તર ગુજરાત પંચતીર્થી
નકશામાં ઉત્તર ગુજરાત ની પંચતીર્થી જોવા માટે અહીં ક્લીક કરો


દંઢાવ્ય દેશની પંચતીર્થી ---
જમિયતપુરા- રમણીય દક્ષિણાબારનું સ્વામિનારાયણ મંદિર, અહીં પ્રસાદીભૂત વસ્તુઓમાં પાર્ષદ ભગુજીની તલવાર, શ્રીજી મહારાજ જતનબાને ત્યાં (ડાંગરવામાં) જમેલા અને કરિયાવરમાં જતનબાએ માંગેલી તે થાળી, પ્રભા તલાવડી, હનુમાનજી, કુવો, રાયણના વૃક્ષ નીચે શ્રીજીમહારાજે સભા કરેલી તે સ્થાને છત્રી છે.

અડાલજ- આ ગામમાં ગામના ઝાંપે રુડબાઇએ પોતાના મોક્ષ માટે બંધાવેલ સુંદર વાવ છે જેમાં શ્રીજી મહારાજે પાંચસો પરમહંસો સહિત સ્નાન કરેલું છે. ગામની પષ્ચિમ દીશામાં હનુમાનજી પ્રસાદીના છે.

ઉવારસદ – અહીં શ્રી સ્વામિનારાયણ ભગવાનનું મંદિર છે. પ્રસાદીની વાવ છે. શ્રીજી મહારાજ આ ગામમાં જમેલા છે.

મોટી આદરજ – ગામમાં મંદિર છે. અહીં શ્રીજીમહારાજે અન્નકુટ ઉત્સવ કર્યો હતો. રતુ ખાંટનું ઘર કે જ્યાં શ્રીજી મહારાજ જમેલા છે. મુક્તાનંદ સ્વામી વડોદરાની સભા જીતીને આવ્યા પછી પ્રથમ વખત શ્રીજીમહારાજને અહીં મળેલા. અહીં શ્રીજીમહારાજે ચાર સંતો મુક્તાનંદ સ્વામી, નિત્યાનંદ સ્વામી, બ્રહ્માનંદ સ્વામી અને પરમચૈત્યાનંદ સ્વામીને સદગુરુ કર્યા. ગામની બહાર તળાવની પાળ ઉપર આંબલી પ્રસાદીની છે. તળાવમાં ગરબાનું માટલું તરતું મુકેલું અને ભગુજીએ તીરથી ગરબાની ઉપર રહેલો દીવો કાઢી નાંખેલો તે તળાવ પ્રસાદીનું છે.

ધમાસણા – શ્રી સ્વામિનારાયણ ભગવાનનું મંદિર છે. મંદિરમાં લિંબના વૃક્ષનું થડ છે કે જે લિંબડે શ્રીજી મહારાજ હિંચકો બાંધીને હિંચેલા છે. સુથાર ભક્ત પુરુસોતમભાઇનું ઘર પ્રસાદીનું છે અને ત્યાં શ્રીજી મહારાજ જમેલા છે. શ્રી ગુરુચરણરતાનંદ સ્વામીનું જન્મ સ્થળ છે. પ્રસાદીનો કુવો અને તળાવ છે.

મોખાસણ – શ્રી સ્વામિનારાયણ ભગવાનનું મંદિર છે. વડ નિચે વરંડી ઉપર બેસી શ્રીજી મહારાજે સભા કરેલી તે સ્થાને છત્રી છે. પ્રસાદીનો કુવો છે.

નારદીપુર – શ્રી સ્વામિનારાયણ ભગવાનનું મંદિર છે. નાનાભાઇનું ઘર પ્રસાદીનું છે. અહીં બ્રાહ્મણોની ચોરાસી કરેલ છે. તિતા ભગતનું ઘર પ્રસાદીનું છે. શ્રીજી મહારાજ તિતા ભગતને જે ઓરડીમાં તેડવા આવેલા તે સ્થાન જેમનું તેમ છે.

સાલડી – અહીં સ્વયંભુ પીપળેશ્વર મહાદેવનું મંદિર છે તે પ્રસાદીનું છે. તે પાંડવો વખતનું પુરાતન છે. અહીં શિવલિંગ પર અખંડ જળધારા ચાલુ છે અને અહીં એક ભોંયરુ છે જે પાટણ સુધી નિકળે છે.

મેઉ – શ્રી સ્વામિનારાયણ ભગવાનનું મંદિર છે. ભુખણ ભાવસારનું પ્રસાદીનું ઘર કે જે ઘરની બારસાખના નકુચામાં શ્રીજી મહારાજ આંગળી નાંખીને ઉભા રહેલા. અહીં શ્રીજી મહારાજ જમેલા તે થાળી છે. અહીં રુઢમુઢ બાળકને શ્રીજી મહારાજે સાંગોપાંગ કરેલું. ભોટુવાળો પ્રસાદીનો કુવો કે જ્યાં શ્રીજી મહારાજે હજામત કરાવેલી.
લાંઘણજ – શ્રી સ્વામિનારાયણ ભગવાનનું મંદિર છે. નિલકંઠ મહાદેવનું મંદિર પ્રસાદીનું છે. અમૃતબાઇની વાડીએ શ્રીજી મહારાજ જમેલા ત્યાં છત્રી છે. અમૃતબાઇની વાડીએ પ્રસાદીનો કુવો છે જ્યાં શ્રીજી મહારાજે સ્નાન કરેલું છે. સોનબાઇને ઘેર શ્રીજી મહારાજ જમેલા ત્યાં ઓટલો અને ચરણાવિંદ છે.

કરજીસણ – અહીં શ્રી સ્વામિનારાયણ ભગવાનનું મંદિર છે. આ ગામમાં પ્રસાદીનો પલંગ અને બાજોઠ છે. ગોવિંદ ભગતને ઘેર પ્રસાદીની વસ્તુઓમાં એક તાસ, પાંચ તાંસળીઓ એક તપેલી, બે ગોદડા એક સુતરના દોરાની માળા, એક પ્રસાદીની પેટ, એક નામાનો ચોપડો અને ચરણાવિંદ છે. પ્રસાદીનો કુવો છે. કુવાની બાજુમાં વરખડી નિચે મહારાજ ચાર શેર અથાણું જમેલા તે જગ્યા. તલાવડીમાં સ્નાન કરેલ તે સ્થાને હનુમાનજી પ્રસાદીના છે. અને તેની બાજુમાં છત્રી છે ત્યાં ફુલડોલનો ઉત્સવ કરેલો. હરસિધ્ધ માતાના મંદિર પાસે છત્રી છે ત્યાં બેસી શ્રીજી મહારાજે હિંસા અટકાવી હતી અને તે સ્થાને મહારાજ બાર પારણાના હિંડોળે ઝુલ્યા હતા.

ડાભી ખોરજ – અહીં શ્રી સ્વામિનારાયણ મંદિર છે. મંદિરમાં છત્રી કરેલ છે તે સ્થાને શ્રીજી મહારાજે પાંચસો પરમહંસો સહિત સભા કરેલી છે. ડાભી નારાણજીને ઘેર ગોદડજીના ઢાલ-તલવાર પ્રસાદીના છે. મુસલમાન ભક્ત લાલખાનને ત્યાં મહારાજ રાત્રી રહેલા તે ઘર પ્રસાદીનું છે. લાંઘણજથી ખોરજ પધારતાં રસ્તામાં આંબા તળાવ આવે છે તેમાં મહારાજે પરમહંસો સહિત સ્નાન કરેલું છે અને નાસ્તો કરાવેલ છે તે જ્ગ્યાએ છત્રી કરેલ છે. આ ગામમાં શ્રીજી મહારાજે હરણ પાછળ ઘોડું દોડાવેલું તે જોઇને દેવોએ પુષ્પવૃષ્ટિ કરેલી.

ડાંગરવા – આ ગામમાં શ્રી સ્વામિનારાયણ ભગવાનનું વિશાળ મંદિર છે. આ ગામમાં શ્રીજી મહારાજ 18 વખત પધારેલા છે. જતનબાનું ઘર પ્રસાદીનું છે. ત્યાં મહારાજ જમ્યા હતા તે થાળી વાટકા છે. ચોફાળ, ખેસ, શિક્ષાપત્રી છે. ગામની બહાર તળાવને કિનારે શ્રીજી મહારાજે સભા કરેલી તે સ્થાને છત્રી છે. તેની બાજુમાં પ્રસાદીનો ગંગાજળીયો કુવો છે.

વડુ -ગામમાં હરિમંદિર છે. પ્રસાદીભુત હનુમાનજીનું મંદિર છે ત્યાં શ્રીજીમહારાજે સભા કરેલી તે સ્થાને હાલ વેદી છે અને આ જ્ગ્યાએ શ્રીજી મહારાજે સંતોને પત્તર તુંબડા આપ્યા. કેસરીયો કુવો અને ગંગાજળીયો કુવો પ્રસાદીના છે. આ ગામમાં બ્રાહ્મણોની ચોરાસી કરીને ચાલીસ રુપિયામાં બધાને દક્ષિણા આપેલી તો પણ છેલ્લે ચાલીસ રુપિયા વધેલા.
ઓળા—પૂર્વદ્વારે હરિમંદિર છે. મંદિરની બાજુમાં રતનબાનું ઘર છે જ્યાં શ્રીજીમહરાજના પોંખણા કર્યા હતા. ગામમાં વચ્ચે પ્રસાદીનો વડ હતો ત્યાં ચરણાર્વિંદ પધરાવેલ છે. ગામની ભાગોળે પ્રસાદીનો કૂવો અને તળાવ છે. ત્યાં પ્રસાદીના સંકટમોચન હનુમાનજી મહારાજ છે.

કુંડાલ – ભગવાન શ્રી સ્વામિનારાયણનું મંદિર છે. આ ગામમાં શ્રીજીમહારાજ પાંચ વખત પધારેલા છે. કલા ભગતનું ઘર અને વાડીએ કુવો પ્રસાદીના છે. કલા ભગતના ઘરની બાજુમાં પ્રસાદીનો લીંબડો હતો તે જ્ગ્યાએ છત્રી કરેલ છે અને તેનું થડ મંદિરમાં રાખેલ છે.

કડી - કડી ગામના તળાવમાં સંતદાસજી સ્વામી ડુબકી ખાઇને બદરીકાશ્રમ નીકળ્યા તે પ્રસાદીનું તળાવ છે.

સિધ્ધપુર – હાઇવે ઉપર નવું અને ગામમાં જુનું શિખરબંધ મંદિર છે. બિંદુ સરોવરમાં મહારાજે સંતો-પાર્ષદો સહિત સ્નાન કરેલ છે. અહીં કપીલ ભગવાને માતા દેવહૂતીને સાંખ્યનું ગ્યાન આપેલ હતું. બિંદુ સરોવર ભગવાન વિષ્ણુના હર્ષના આંસુથી બનેલું છે. બાજુમાં ગ્યાનવાવ,પીંપળો, શંકરનું મંદિર પ્રસાદીના છે. વટેશ્વર મહાદેવનું મંદિર પ્રસાદીનું છે અને તેમાં પાંડવોના ગુપ્તવાસ દરમિયાનનું ભોંયરું છે. દધીચી રૂષીનો આશ્રમ છે. સામ્યપ્રાસ આશ્રમ છે જ્યાં શ્રીજી મહારાજ પધારેલ છે. ગામમાં રૂદ્રમાળ છે. સરસ્વતી નદી પ્રસાદીની છે જ્યાં શ્રીજી મહારાજે માતૃશ્રાધ કરેલ છે.

ઉંઝા—સુંદર મંદિર છે. બાજુમાં પ્રસાદીનું તળાવ છે તે તળાવની લીલ તોડીને મહારાજે પાણી પવિત્ર કર્યું હતું. પ્રસાદીનું ગરનાળું છે જ્યાં બેસીને શ્રીજીમહારાજે મહાનુભાવાનંદ સ્વામી આદીક ૧૮ પરમહંસો કરેલા. અક વડ છે તેની ડાળીએ મહારાજ ઝૂલેલા છે અને અહીં ફુલ દોલોસ્તવ કરેલ છે. આ ગામમાં મંદિરની બાજુમાં ભક્ત ઉદયકુંવર બાઇનું ઘર છે કે જ્યાં તેઓ દરરોજ એક શીંગોડું જમીને ભક્તિ કરતા. આ ગામમાં ભગવાન ૧૮ વખત પધારેલ છે.

વિસનગર—સ્વામિનારાયણ મંદિર છે. લાલભાઇ સૂબાના બેન ઉદયકુંવરનું ઘર એ જ બાઈઓનું મંદિર છે તે પ્રસાદીનું છે. પીંડારીયા તળાવ પ્રસાદીનું છે તળાવની પાસે હનુમાનજી પ્રસાદીના છે. અહીં મહારાજ કથા કરતા અને એકી સાથે બે ગામમાં વડનગર અને વિસનગરમાં બે સ્વરુપે કથાના દર્શન કરાવતા.
ચોરો અને બાજુમાં છત્રી છે. તેની બાજુમાં ભીમનાથ શિવમંદિર છે ત્યાં એક હાથી છે તેને મહારાજે લાડવા ખવરાવેલ અને તેની સૂંઢ પકડીને શંકર ભગવાનની આરતી કરેલી છે. સોમપુરા નવીનભાઇને ત્યાં ભગવાને પ્રસન્ન થઈને આપેલી રૂ ની ડગલી છે. શોભારામ શાસ્ત્રીનું ઘર પ્રસાદીનું છે. દ્વેષી સુબાને શ્રીજીમહારાજે જમપુરી દેખાડી આશ્રીત કરેલ તે સુબાના ઘર પ્રસાદીના છે. ત્યાં મહારાજ ઘોડી બાંધતા તે કડુ પ્રસાદીનું છે જે હાલમાં મોજુદ છે. સુબાના ઘરની સામેજ બ્રાહમણોની ચોરાસી કરેલ છે. અહીં મહારાજ સાત વખત પધારેલ છે.

વડનગર—બંગલાઘાટનું સ્વામિનારાયણ મંદિર છે. નાના હરિકૃષ્ણમહારાજ અને લાલજી પ્રસાદીના છે. મંદિરમાં ચાકળો,પાટ પ્રસાદીના છે. પ્રસાદીભૂત હાટકેશ્વર મહાદેવનું મંદિર છે. શર્મિષ્ઠા તળાવ છે અને ત્યાં નાગધરો છે તે જગ્યાએ મહારાજે સભા કરેલ ત્યાં છત્રી છે. નરસીંહ મહેતાના પુત્ર શામળશાના લગ્નની ચોરી પણ મોજુદ છે.

ઈડર – અહીં શિખરબંધ સ્વામિનારાયણ મંદિર છે. ઈડરના મહારાજાને ગુરુચરણરતાનંદ સ્વામીએ સત્સંગ કરાવેલો. ખુશાલ ભટ્ટના વચનથી રાજાને ત્યાં કુંવરનો જન્મ થયેલો. રાણીના કહેવાથી ગઢ ઉપરના મહેલમાંથી દર્શન થાય તે રીતનું આ મંદિર રાજાએ બંધાવેલું છે.
શામળાજી—રણછોડરાયજીનું પુરાતન પ્રસિધ્ધ મંદિર છે.

ટોરડા—સુંદર શ્રી સ્વામિનારાયણ મંદિર છે. આ ખુશાલ ભટ્ટ (ગોપાળાનંદજી સ્વામી) નું જન્મસ્થાન છે. જન્મસ્થાનનું ઘર મુળ સ્વરુપમાં સચવાયેલ છે. અહીં શામળાજી ભગવાન ખુશાલ ભટ્ટ સાથે રમવા આવતાં તે નેવાળી,પ્રસાદીની કોઠી વગેરે પ્રસાદીના છે. બુઢેલી નદીના કાંઠે ભૂલેશ્વર મહાદેવ,પીપળો,ગણપતી પ્રસાદીના છે. અચલેશ્વર મહાદેવ પ્રસાદીના છે જ્યાં સ્વામિનારાયણ ભગવાન ખુશાલ ભટ્ટ્ને તેડવા આવેલા ત્યાં છત્રી છે.

વિજાપુર – વજીબાનું ઘર હતું ત્યાં સ્વામિનારાયણ મંદિર બનેલ છે. મંદિરમાં વજીબાના પ્રસાદીના ઘરનું બારણું છે અને જે પીપળાને ભગવાને પગથી ખસેડેલો તે પીપળાનું થડ પણ અહીં રાખેલ છે. અહીં ચરણાર્વિંદ પધરાવી છત્રી કરેલ છે.
આ ગામમાં મહારાજ બાર વખત પધારેલ છે.

વિહાર—હરિ મંદિરછે ત્યાં વરાહ ભગવાનની મૂર્તિ પ્રસાદીની છે. મહારાજે પાંચ લાડુમાં આખું ગામ જમાડેલ ત્યાં ઓરડીમાં ચરણાર્વિંદ પધરાવેલ છે. ગામમાં જે પ્રસાદીની વસ્તુઓ (તાસ,મૂર્તિ,બાજોઠ,સોનાનીકડી,પાકીટ,થાળી વગેરે)હતી તે અમદાવાદ મ્યુઝીયમમાં પધરાવેલ છે. પિતામ્બર ત્રવાડીને ત્યાં બે વર્ષની પાડીને દોવરાવીને ભગવાન ત્યાં દૂધ અને ખીચડી જમેલા. ગામની ભાગોળે હાલ છત્રી છે ત્યાં પ્રથમવાર આવ્યા ત્યારે ઉતારો કરેલ છે. પ્રસાદીનો માઢ છે. પિતામ્બર ત્રવાડીને દીક્ષા આપી કપિલાનંદ બ્રહ્મચારી નામ રાખ્યું. આ ગામમાં મહારાજ સાત વખત પધારેલ છે.

માણસા—શિખરબંધ મંદિર છે. મંદિરમાં બારણું અને ઢોલીયો પ્રસાદીના છે. દુધીયો કુવો અને મલાવ તળાવ પ્રસાદીના છે. ત્યાં છત્રી છે. અહીં ભૂમાનંદ સ્વામીનો અગ્નિસંસ્કાર કરેલો ત્યાં ઓટો અને છત્રી છે. વનમાળી ભાવસારના ઘર અને માઢ પ્રસાદીના છે.

વસઈ—હરિમંદિર છે. હવેલી આકારનું કડાયું રંગાળું પ્રસાદીનું છે. આખા ગામને કડાયામાંથી જમાડ્યા. મહાદેવજીનું મંદિર પ્રસાદીનું છે. મંદિરમાં પથ્થર પ્રસાદીનો છે. બાઈઓના મંદિરમાં મૂર્તિ પ્રસાદીની છે. કુવો પ્રસાદીનો છે. તુલશીદાસ ભાવસારનું ઘર પ્રસાદીનું છે.

કામલી—ગામના સીમાડે ખીજડો પ્રસાદીનો છે.અહીં ભગવાને લાકડી વગાડીને ગાયોને બોલાવી ભરવાડને કૃષ્ણ રુપે દર્શન આપેલા જે હાલમાં છે.