રાગ - ગોડી
પદ-૧
નરતન ભવતરન નાવ, દાવ દુર્લભ આયો,
નયન શ્રવણ નાસિકા, મુખ બહુ વિધિ બનાયો.. ટેક૦
સદ્ગુરુ શુભ કરનધાર, હરિજન મન અતિ ઊદાર,
વચન કહત વારવાર, પારહું પમાયો. નરતન૦ ૧
જનમ મરણ જગત જાલ, કરમ ભરમ કઠીન કાલ;
માધવ મેટત દયાલ, ભેટત મન ભાયો. નરતન૦ ૨
મનુષ્ય તન મોક્ષદ્વાર, સમજત અસાર સાર;
અંતર પ્રભુ રહે અપાર, પુરન સુખ પાયો. નરતન૦ ૩
રાજકાજ લોકલાજ, સુપન જાની ધનસમાજ;
દેવાનંદ દેખી આજ, ગોવદ ગુન ગાયો. નરતન૦ ૪
પદ - ૨
હરિ ભજ તજ હરખ શોક, લોકલાજ ત્યાગી;
માત તાત ભગિનિ ભરાત, જાત જોને જાગી. ટેક૦
ગયે અનેક રહત એક, ધરમ ઊપર ધરહું ટેક;
વારવાર કર વિવેક, અંધ નર અભાગી. હરિભજ૦ ૧
જોબન ધન કરત નાશ, ફીરત કાલ આસપાસ;
પકરત અબ વરસ માસ, દેવત મુખ આગી. હરિભજ૦ ૨
સંતન કર સુભગ સાથ, ગોવદ ગુણ કરહું ગાથ;
રીઝત રંગરેલ નાથ, નિરભે નોબત વાગી. હરિભ૦ ૩
ચંચલ નર ચેત ચેત, હરિસંગ કર હેત હેત;
દેવાનંદ લેત લેત, મોજ ચરન માગી. હરિભજ૦ ૪
પદ - ૩
પ્રભુ પદ કર પ્રિત નિત જનમ જીત જાવે;
સ્વારથ સંસાર લાર, દિન દિન દુઃખ આવે. ટેક૦
અતિ અજાન મમતવાન, તાતે ગુપ્ત ગ્રહમ તાન;
ભૂલી કે ભગવાન માન, અંતર અકુલાવે. પ્રભુ૦ ૧
પરધન પરનારી આશ, બિન બિચારે બાર માસ;
દામ સહિત કામ દાસ, પરસમ લપટાવે. પ્રભુ૦ ૨
જુઠ જાપ જપત આપ, તનમ તપન ત્રિવિધ તાપ;
પામર નર કરત પાપ, અપના બુઝાવે. પ્રભુ૦ ૩
હરિ રીઝાવ દુર્લભ દાવ, તામ તિવ્ર ભક્તિભાવ;
દેવાનંદ દુઃખ નશાવ, ચરન નાવ પાવે. પ્રભુ૦ ૪
પદ - ૪
મુરખ મતિમંદ નર, મુકુંદ કયું વિસારે;
ભૂલી કે ભગવાન આનંદ, બહુ ઊરમ ધારે. ટેક૦
સદાશિવ ઈન્દ્રજાસ, બ્રહ્મા ભવ વિષ્ણુ પાસ;
ઊત્પતિ પાલન વિનાશ, કરત ન્યારે ન્યારે. મુરખ૦ ૧
મારુત અરૂ મેઘમાલ, વરસત ભૂપર વિશાલ;
સૂરજ શશિ ડરત કાલ, ભય ગોપાલ ભારે. મુરખ૦ ૨
માયા પતિ અતિ પ્રવીન, સ્થાવર જંગમ સૌ કીન;
ભક્ત જક્ત ભીન ભીન, જીન આધીન પ્યારે. મુરખ૦ ૩
અક્ષર કોટિ અપાર, સમરત પ્રભુ સારસાર;
દેવાનંદ વારવાર, વંદત મતવારે. મુરખ૦ ૪